Anthony Martial, leikmaður Manchester United, hefur hafnað nokkrum samningstilboðum frá félaginu.
Miðlar í Frakklandi greina frá þessu í dag en í gær var greint frá því að United væri opið fyrir því að bjóða Martial nýjan samning.
Samkvæmt fregnum dagsins hefur Martial þó lengi verið í viðræðum við United og hefur ekki viljað skrifa undir.
Ekki er víst að Martial sé sáttur undir Jose Mourinho hjá United en samband þeirra var ekki gott í sumar.
Það er þó vilji félagsins að framlengja við Martial sem er samningsbundinn til ársins 2020.
Samkvæmt RMC Sport gefst United ekki upp og mun gera nýtt tilboð á næstu vikum.
