Steve Nicol sérfræðingur ESPN FC og fyrrum bakvörður Liverpool telur að Toby Alderweireld gæti endað hjá Manchester United í janúar.
Alderweireld var mikið orðaður við United í sumar en ekkert gerðist. Hann hefur ekki viljað skrifa undir nýjan samning við Tottenham.
Tottenham gæti neyðst til að selja hann í janúar til að fá alvöru upphæð fyrir hann.
,,Peningar eru það sem skiptir máli í svona máli,“ sagði Nicol á ESPN.
,,Alderweireld er að senda út skilaboð um að hann vilji vera áfram.“
,,Hann gæti verið að segja réttu hlutina núna en endað hjá Manchester United í janúar. Það er góður möguleiki.“