David Luiz, leikmaður Chelsea, er afar ánægður með að félagið hafi fengið markvörðinn Kepa frá Athletic Bilbao.
Kepa tekur við af Thibaut Courtois í marki Chelsea og verður um leið dýrasti markvörður sögunnar. Courtois er á leið til Real Madrid.
,,Hann er frábær markvörður, það er ástæðan fyrir því að allir eru að tala um hann,“ sagði Luiz.
,,Það eru öll lið sem eru að eyða peningum, ekki bara Chelsea. Tölurnar skipta ekki máli, við erum ánægðir því Chelsea gerir það besta fyrir félagið.“
,,Þegar þú spilar fyrir Chelsea hugsar þú um titla, það skiptir ekki máli hvað hann heitir. Við reynum alltaf að vinna.“
