Robin van Persie framherij Feyenoord í dag segir að erfiðasti leikur í heimi sé á útivelli gegn Stoke.
Van Persie sem er 34 ára gamall var að gera nýjan eins árs samning við uppeldisfélag sitt.
Hann lék lengi á Englandi, fyrst með Arsenal en varð síðan Englandsmeistari með Manchester United.
,,Ég sé hvernig konan mín horfir á mig á morgnana þegar ég haltra fram úr, við ræðum það samt aldrei,“ sagði Van Persie.
,,Ég hef verið með verki í mörg ár, það fylgir fótboltanum. Það tekur á að spila í ensku úrvalsdeildinni, það tekur mikið á líkamlega.“
,,Til dæmis er erfiðasti leikur í heimi gegn Stoke á útivelli, völlurinn er opinn og það er rok. Það var alltaf erfitt, harka og aldrei neitt gefið eftir.“
