Manchester United sá til þess að í dag varð Manchester City enskur meistari. United tók á móti West Brom á heimavelli, slakasta liði ensku úrvalsdeildarinnar.
City vann Tottenham í gær og með tapi United í dag er liðið orðið enskur meistari þegar fimm leikir eru eftir. United átti afar slakan leik í dag en í fyrri hálfleik hefði liðið átt að fá vítaspyrnu þegar brotið var á Ander Herrera.
Liðið spilaði hins vegar einn af sínum slakari leikjum í vetur og það kom í bakið á þeim á 73 mínútu leiksins þegar Jay Rodriguez tryggði sigur gestanna. Sigur City í deildinni því staðreynd en liðið hefur haft rosalega yfirburði.
Pep Guardiola er þessa stundina í golfi með syni sínum og horfði ekki á leikinn. Fyrir 25 árum var Sir Alex Ferguson einnig í golfi þegar hann vann ensku deildina í fyrsta sinn.
Guardiola lék því eftir það sem Ferguson gerði, var á golfvellinum þegar hann varð meistari í fyrsta sinn.
Fergie was on the golf course when he learned of his first Premier League title win, 25 years later Guardiola could do the same, thanks to West Brom's remarkable display #MCFC #MUFC #WBAFC @MirrorFootball
— David McDonnell (@DiscoMirror) April 15, 2018