Jorginho, leikmaður Chelsea, fékk ekki góðar móttökur á fimmtudag er liðið spilaði við Malmö í Evrópudeildinni.
Chelsea vann sannfærandi 3-0 sigur á Malmö en Jorginho byrjaði leikinn á bekknum en kom inná í síðari hálfleik.
Það var baulað á miðjumanninn er hann mætti til leiks, eitthvað sem Maurizio Sarri, stjóri liðsins, skilur ekki.
,,Fyrstu 30 mínúturnar þá var hægt að sjá af hverju Jorginho er svo mikilvægur fyrir okkur,“ sagði Sarri.
,,Við vorum í vandræðum að koma boltanum burt af okkar vallarhelmingi vegna pressu.“
,,Það er auðveldara með Jorginho. Ég vildi óska þess að stuðningsmennirnir myndu skilja hversu mikilvægur hann er.“