Það fór fram stórskemmtilegur leikur á Englandi í dag er lið Bournemouth fékk Wolves í heimsókn.
Það vantaði alls ekki fjörið á Vitality vellinum í dag en þrjár vítaspyrnur voru dæmdar í leik sem endaði með 1-1 jafntefli.
Josh King kom Bournemouth yfir í fyrri hálfleik úr vítaspyrnu áður en Raul Jimenez jafnaði fyrir Wolves í síðari hálfleik, einnig af punktinum.
Aðeins tveimur mínútum eftir mark Wolves fékk Bournemouth aðra vítaspyrnu og steig King aftur á punktinn.
Í þetta skiptið þá skaut Norðmaðurinn hins vegar í stöngina og mistókst að tryggja heimamönnum sigur. Jafntefli niðurstaðan í frábærum leik.
Newcastle vann góðan heimasigur á sama tíma en liðið mætti botnliði Huddersfield og vann 2-0.
Tommy Smith fékk rautt spjald hjá Huddersfield eftir aðeins 20 mínútur og sáu þeir Salomon Rondon og Ayoze Perez um að tryggja Newcastle sigur.
Bournemouth 1-1 Wolves
1-0 Josh King(14′)
1-1 Raul Jimenez(83′)
Newcastle 2-0 Huddersfield
1-0 Salomon Rondon(46′)
2-0 Ayoze Perez(52′)