Hugo Lloris, markvörður Tottenham, var reiður í dag eftir leik gegn Burnley í deildinni í dag.
Mike Dean dæmdi leik liðanna í dag en bæði Lloris og Mauricio Pochettino voru mjög fúlir í leikslok.
Chris Wood kom Burnley yfir í leiknum eftir hornspyrnu sem Lloris segir að hafi aldrei átt að vera dæmd.
,,Að mínu mati þá var þetta alveg augljóst, þetta er ábyrgð dómarans,“ sagði Lloris við Sky Sports.
,,Svo er það á okkar ábyrgð að fá ekki mark á okkur úr horninu. Þetta er ekki í fyrsta sinn sem þetta gerist með sama dómarann.“
,,Það er hins vegar ekki mitt að tjá mig of mikið um þetta.“