Það eru sögusagnir um það að Maurizio Sarri, stjóri Chelsea, verði rekinn ef liðið tapar gegn Manchester City um helgina.
Liðin eigast við í úrslitum enska deildarbikarsins en gengi Chelsea hefur ekki verið gott undanfarið.
Nokkur nöfn hafa verið nefnd til sögunnar þegar kemur að því hver gæti tekið við af Sarri.
Samkvæmt the Telegraph íhugar Chelsea að leita til Steve Holland sem vann lengi hjá félaginu.
Holland var aðstoðarmaður sex stjóra hjá Chelsea á sínum tíma áður en hann byrjaði að vinna fyrir enska landsliðið.
Telegraph segir að Chelsea íhugi að reyna við Holland og fá hann til að stýra liðinu út þetta tímabil.
Holland þyrfti ekki að segja af sér sem aðstoðarmaður Gareth Southgate hjá Englandi en óvíst er hvernig knattspyrnusambandið myndi taka í tilboðið.