Maurizio Sarri, stjóri Chelsea, segir að Pep Guardiola, stjóri Manchester City, sé heppinn að vera enn með starf hjá félaginu.
Guardiola þótti ekki byrja of vel hjá City en liðið var allt annað á hans öðru tímabili og vann deildina.
Sarri er sjálfur sagður vera undir pressu en hann byrjaði vel á Englandi áður en allt virtist fara úrskeiðis.
,,Því hann var heppinn, ég veit það ekki,“ sagði Sarri er hann var spurður út í af hverju Guardiola fékk tíma.
,,Þú verður að spyrja félagið. Þú verður að spyrja bæði Manchester City og Chelsea.“
,,Ég veit ekki hvort ég sé undir pressu frá mínu félagi eða frá þér. Ég veit ekkert þessa stundina.“
,,Ef þú velur Guardiola þá veit félagið mjög vel að hann þarf tíma. Það er ekki auðvelt fyrir ensk félög að spila svona fótbolta.“
