Virgil van Dijk, leikmaður Liverpool, var ekki með liðinu á þriðjudaginn í markalausu jafntefli gegn Bayern Munchen.

Van Dijk var í leikbanni í 16-liða úrslitunum og þurfti miðjumaðurinn Fabinho að spila í hjarta varnarinnar.

Fabinho hefur verið á mikilli uppleið síðustu mánuði en hann segist hafa fengið afar erfitt verkefni hjá félaginu.

,,Ég hafði áhyggjur í byrjun þegar ég kom hingað því ég spilaði ekki mikið,“ sagði Fabinho.

,,Nú spila ég þó mikið og er að standa mig vel. Það er ekki auðvelt að leysa besta miðvörð heims af hólmi.“

,,Við fengum smá tíma til að æfa á Spáni. Ég náði að venjast þessari stöðu og samskiptin okkar á milli urðu betri.“