Pep Guardiola, stjóri Manchester City, segir að hann sé með besta vængmann heims í sínum röðum.
Guardiola ræddi hinn þýska Leroy Sane sem hefur verið frábær fyrir liðið undanfarin tvö tímabil.
Guardiola var spurður út í það hvort Sane gæti spilað miðsvæðis frekar en á vængnum en mun ekki reyna það bráðlega.
,,Hann er ekki tilbúinn að spila miðsvæðis núna, þú þarft að stjórna svæðum svo vel. Kannski í framtíðinni,“ sagði Guardiola.
,,Sane er besti vængmaður heims. Ég vil frekar nota hann þar sem hann er sterkastur, hann er ótrúlegur leikmaður.“
,,Ég er ekki að segja að hann geti ekki spilað fyrir miðju en við erum með betri leikmenn í þeirri stöðu.“