Það er vond staða hjá Chelsea í ensku úrvalsdeildinni en félagið hefur fengið bann frá FIFA. Chelsea má ekki kaupa leikmenn næsta sumar eða í janúar á næsta ári.
Chelsea braut reglur þegar það sótti sér unga leikmenn, FIFA tekur hart á slíkum málum.
Chelsea er í vondri stöðu eftir þennan úrskurð FIFA en félagið getur áfrýjað.
Maurizio Sarri er valtur í sessi hjá félaginu og nýr stjóri gæti komið inn, hann getur hins vegar ekki keypt neina leikmenn.
Chelsea ætlar að áfrýja þessum úrskurði til FIFA og síðan til alþjóðadómstóla ef FIFA afléttir ekki banninu. Með því getur Chelsea keypt sér tíma.
Félagið gæti því keypt leikmenn í sumar en Atletico notaði þessa leið eitt sinn með fínum árangri og náði að tefja málið fram yfir sumarið og keypti þá vel.
