Manchester City vann frábæran sigur er liðið heimsótti þýska liðið Schalke á Veltins Arena í gær í 16 liða úrslitum Meistaradeildarinnar.
City var 2-1 undir í byrjun seinni hálfleiks og fékk varnarmaðurinn Nicolas Otamendi þá rautt spjald og gestirnir orðnir tíu. Þrátt fyrir það tókst þeim ensku að skora tvö mörk undir lok leiksins og hafði að lokum betur 3-2 í stórskemmtilegum leik.
City greinir svo frá því í dag að einn stuðningsmaður félagsins sé í lífshættu, hann varð fyrir árás í Þýskalandi í gær.
Árásin átti sér stað eftir sigurinn en félagið vinnur í því að afla sér upplýsinga um árásina með lögreglunni í Manchester og í Þýskalandi.
