Jurgen Klopp, stjóri Liverpool á Englandi, var í dag sektaður um risaupphæð af enska knattspyrnusambandinu.
Klopp var ákærður fyrir ummæli sem hann lét falla eftir 1-1 jafntefli við West Ham þann 4. febrúar.
Sambandið sektaði Klopp um 45 þúsund pund en hann gaf í skyn að Kevin Friend, dómari leiksins, hafi dæmt með West Ham.
Þjóðverjinn slapp þó við hliðarlínubann og verður til staðar í næsta deildarleik Liverpool.
Klopp var þó varaður við af sambandinu og er hann í stórum vandamálum ef hann tekur upp á því sama í framtíðinni.
Klopp fer í langt bann ef hann lætur svipuð ummæli falla aftur og þarf því að passa sig verulega á næstu mánuðum.