Dregið hefur verið í riðla fyrir undankeppni EM 2021 hjá kvennalandsliðinu. Ísland er með Svíþjóð, Ungverjalandi, Slóvakíu og Lettlandi í riðli en úrslitakeppnin fer fram á Englandi.
Þetta verður fyrsta undankeppnin sem Jón Þór Hauksson fer með liðið í. Leikar hefjast næsta haust.
Kvennalandsliðið rétt missti af sæti á HM sem fram fer í sumar en liðið hefur komist á síðustu Evrópumót.
Ísland ætti að eiga góða möguleika að komast upp úr þessum riðli en liðið var á EM 2009, 2013 og 2017.
