Margir stuðningsmenn Chelsea kalla eftir því að Ítalinn Maurizio Sarri verði rekinn frá félaginu.
Sarri tók við Chelsea í sumar en hann hafði náð góðum árangri með liði Napoli á Ítalíu.
Það þótti vera áhættusamt af Chelsea að ráða Sarri en hann hefur aldrei á sínum ferli unnið titil.
Hann byrjaði ansi vel á Englandi en undanfarna mánuði hefur gengi Chelsea versnað verulega.
Þrátt fyrir það er Sarri enn með betri árangur en Pep Guardiola, sem vann deildina með Manchester City í fyrra.
Ef skoðað er fyrsta tímabil Guardiola á Englandi og fyrsta tímabil Sarri þá hefur Ítalinn betur.
