Arsene Wenger, fyrrum stjóri Arsenal, gæti farið til Chelsea og reddað málunum þar að mati David Seaman, fyrrum markmanni liðsins.
Maurizio Sarri gæti fengið sparkið hjá Chelsea á næstunni og gæti verið laust starf hjá félaginu.
Wenger stýrði liði Arsenal í 22 ár áður en hann var rekinn frá félaginu síðasta sumar.
,,Arsene sagði að hann myndi aldrei snúa aftur í úrvalsdeildina því það væri ekki rétt að keppa við Arsenal,“ sagði Seaman.
,,En augljóslega þá held ég að tíminn sé gott meðal og hann gæti hugsað með sér að hann vilji snúa aftur og sanna að fólk hafi haft rangt fyrir sér.“
,,Að mínu mati þá fékk Arsene mikla gagnrýni sem hann átti ekki skilið síðustu árin þarna.“
,,Það er útlit fyrir það að starfið hjá Chelsea verði laust en það veltur á næstu þremur leikjunum.“
,,Hann yrði frábær þar, held ég. Hann yrði frábær hvar sem er því hann er magnaður stjóri.“