Það er óhætt að fullyrða það að Marcus Rashford sé einn allra mikilvægasti leikmaður Manchester United í dag.
Rashford er fastamaður í liði United þessa dagana undir stjórn Ole Gunnar Solskjær sem tók við í desember.
Framherjinn var þó ekki eins mikilvægur á síðasta ári en Jose Mourinho treysti ekki jafn mikið á hann.
Það er athyglisvert að greina frá því að Rashford sé launalægsti leikmaður United ef skoðað er laun fyrir hverja mínútu spilaða.
Rashford kostar United aðeins 767 pund fyrir hverja mínútu sem hann spilar en hann fær 45 þúsund pund á viku.
Alexis Sanchez er launahæsti leikmaður United og kostar hann félagið næstum 16 þúsund pund fyrir hverja mínútu sem hann spilar.
Sanchez hefur alls ekki verið frábær á Old Trafford eftir að hafa komið í fyrra en hann fær borgað 505 þúsund pund á viku hjá félaginu.