Alan Brazil, blaðamaður TalkSport, neitar að biðja Paul Pogba, leikmann Manchester United, afsökunar.
Brazil hraunaði yfir Pogba fyrr á tímabilinu og kenndi honum um brottrekstur Jose Mourinho í desember.
Pogba hefur undanfarið verið frábær eftir komu Ole Gunnar Solskjær og átti góðan leik í 2-0 sigri á Chelsea í gær.
Brazil er hrifinn af spilamennsku Pogba í dag en er þó ekki viss um að Mourinho eigi að fá alla sökina.
,,Ég segi hlutina bara eins og ég sé þá. Þú sérð hvernig hann er að spila. Hann er með allt,“ sagði Brazil.
,,Hann lætur finna fyrir sér, hann gefur frábærar sendingar og er góður að skalla boltann.“
,,Þegar þú spilar fyrir Manchester United þá verðuru að spila þinn besta leik 90 prósent af tímanum. Hann var augljóslega fúll út í Mourinho og gerði það ekki.“
,,Ég verð bara svo pirraður. Ég verð líka pirraður út í David Luiz því ég veit hversu góður hann getur verið en hann missir einbeitinguna og ég vil bara hrista hann, það sama með Pogba.“
,,Þegar hann er frábær eins og í gær þá fær hann allt það hrós sem hann á skilið. Hann bjó til eitt mark og bjó eitt til.“
,,Var þetta samt allt Jose að kenna? Ég er alls ekki viss um það.“
