Jurgen KLopp, stjóri Liverpool er í vandræðum með varnarlínu sína fyrir leikinn gegn FC Bayern í Meistaradeildinni í kvöld.

Besti varnarmaður liðsins, Virgil van Dijk er í banni í leiknum, Dejan Lovren er tæpur vegna meiðsla g Joe Gomez er meiddur.

Afar ólíklegt er að Lovren verði leikfær í fyrri leik liðanna í 16 liða úrslitum á Anfield. Það er talið að Joel Matip og Fabinho verði í hjarta varnarinnar. Fabinho sem er miðjumaður hefur áður þurft að leysa það hlutverk í vetur.

Ef Fabinho fer í hjarta varnarinnar er líklegast að Jordan Henderson komi inn á miðsvæðið með Gini Wijnaldum og líklega James Milner.

Trent Alexander-Arnol og Andy Robertson verða á sínum stað í bakvörðunum. Roberto Firmino gat ekki æft með liðinu í gær vegna veikinda en vonir standa til að hann nái heilsu.

Líklegt byrjunarlið: Alisson; Alexander-Arnold, Matip, Fabinho, Robertson; Wijnaldum, Henderson, Milner; Salah, Mane, Firmino.