Jurgen Klopp, stjóri Liverpool hefur greint frá því að félagið hafi haft áhuga á kaupa Jadon Sancho frá Manchester City.
City vildi hins vegar ekki selja Sancho til félags á Englandi en eitt og hálft ár er síðan að hann fór til Dortmund.
Sancho er eitt mesta efni Englands en hann er 18 ára gamall kantmaður.
,,Að kaupa enska leikmenn er klókt, við gætum aldrei fengið tækifæri til þess,“ sagði Klopp.
,,Við erum ekki blindir, við sáum hann og kunnum vel við. Við pældum í að fá hann, ensk félög selja ekki enskum félögum.“
,,Ég veit ekki ástæður þessu, af hverju það er ekki gert. Núna fara þeir til Þýskalands, sem er frábær deild. Ég sé ekki þýskan fótbolta sem slæman stað fyrir þá.“