Freddie Ljungberg, þjálfari U23 liðs Arsenal, hefur sent Unai Emery, stjóra aðalliðsins skilaboð.

Ljungberg ræddi framherjann Eddie Nketiah sem gæti fengið tækifæri gegn BATE Borisov á fimmtudag.

Alexandre Lacazette verður í banni hjá Arsenal í þeim leik en hann fékk rautt í fyrri viðureigninni sem tapaðist 1-0.

,,Ef hann fær kallið þá er hann án efa tilbúinn að spila leikinn,“ sagði Ljungberg.

,,Þetta er ákvörðun þjálfarans. Ég hef alltaf talið að við séum með leikmenn sem eru tilbúnir að gera vel en aðalliðið ræður þessu.“

,,Það eina sem ég get gert er að ráðleggja þeim og gera þá eins tilbúna og hægt er. Það er mikilvægt að Eddie fái að spila.“