Sebastian Boxleitner, hefur látið af störfum sem styrktarþjálfari íslenska karlalandsliðsins. Hann greinir frá þessu á Instagram.
Boxleitner var ráðinn til starfa eftir Evrópumótið í Frakklandi og var tvö og hálft ár í starfi.
Boxleitner var samningslaus um áramótin en fór með landsliðinu í verkefni til Katar í janúar.
Samkvæmt heimildum 433.is náðust hins vegar ekki samningar, en rætt var um að framlengja dvöl Boxleitner.
,,Eftir viðburðarríkan tíma með frábæru liði og starfsfólki, þá verð ég að kveðja,“ skrifar sá þýski á Instagran
,,Þegar einar dyr lokast, þá opnast aðrar. Áfram Ísland, ég mun sakna ykkar.“
