Það er engin pressa á liði Liverpool þessa stundina segir aðstoðarþjálfari liðsins, Pepijn Ljinders.

Liverpool er í öðru sæti deildarinnar þessa stundina en er með jafn mörg stig og topplið Manchester City.

Liverpool á þó leik til góða og gæti náð þriggja stiga forystu ef sá leikur vinnst.

,,Ég held að það mikilvægasta sé að við erum spenntir, við finnum ekki fyrir pressu,“ sagði Ljinders.

,,Við höfum lagt hart að okkur og við höfum undirbúið okkur fyrir þessi augnablik.“

,,Þetta er mikilvægur tími þar sem við leitum að næsta skrefi – ef við einbeitum okkur að okkur sjálfum, hvernig við spilum og hvernig við setjum pressu á önnur lið þá koma úrslitin.“