Jose Mourinho, fyrrum stjóri Manchester United, er opinn fyrir því að vinna í frönsku úrvalsdeildinni.
Mourinho greindi frá þessu í dag en hann hefur verið án starfs síðan hann var rekinn frá United í desember.
Portúgalinn hefur þjálfað í heimalandinu, Englandi, Ítalíu og á Spáni. Hann gæti prófað eitthvað nýtt.
,,Ég get séð sjálfan mig þjálfa í Ligue 1. Ég er maður sem hef unnið í fjórum mismunandi löndum,“ sagði Mourinho.
,,Mér finnst gaman að kynnast nýrri menningu. Það yrði frábær reynsla að vinna í nýrri keppni.“
,,Eins og er þá er ég rólegur og reyni að lifa betra lífi með minni fjölskyldu og vinum og ég leita að rétta tækifærinu til að snúa aftur á æfingasvæðið.“
,,Það er í lagi að vera tvo til þrjá mánuði án starfs, eftir það verður þetta erfiðara. Ég vona að ég fái tækifærið til að snúa aftur sterkari en áður.“