Lið Arsenal á Englandi horfir til Burnley er liðið leitar af arftaka Petr Cech sem hættir í sumar.
Enskir miðlar greina frá þessu í dag en Cech gaf það út nýlega að hann væri að leggja hanskana á hilluna.
Cech hefur verið hjá Arsenal frá árinu 2015 en er nú varamarkvörður liðsins í deild á eftir Bernd Leno.
Nick Pope er sá maður sem á að taka við af Cech en hann er á mála hjá Burnley og er partur af enska landsliðinu.
Pope hefur aðeins spilað þrjá leiki fyrir Burnley á tímabilinu og enginn af þeim í deild.
Hann hóf tímabilið meiddur og hefur ekki náð að skáka Joe Hart og Tom Heaton í baráttu um byrjunarliðssæti.