Kalidou Koulibaly, varnarmaður Napoli, er reglulega orðaður við önnur félög í Evrópu.
Koulibaly þykir vera gríðarlega öflugur í öftustu víglínu og eru flest stórlið heims að fylgjast með hans málum.
Hann segist sjálfur ekki vita hvað framtíðin ber í skauti sér en áhuginn gerir hann ánægðan.
,,Mín framtíð? Ég veit ekki hvort ég sé einn sterkasti varnarmaðurinn. Ég geri alltaf mitt besta,“ sagði Koulibaly.
,,Síðan ég kom hingað þá hef ég reynt að þróa minn leik. Ég er með mikinn metnað og vill halda því sama áfram.“
,,Ég er ánægður með að önnur lið séu að elta mig en ég vil sýna það á vellinum að ég sé í hæsta gæðaflokki og vil gera það í framtíðinni.“
