Timothy Weah gekk í raðir Celtic í janúarglugganum en hann kom til liðsins frá Paris Saint-Germainm.
Weah gerði lánssamning við Celtic út tímabilið og hefur síðan þá skorað þrjú mörk í átta leikjum.
Hann er að upplifa nýja hluti í Skotlandi en menningin þar í landi er allt öðruvísi en í Frakklandi.
Weah er að aðlagast lífinu í Skotlandi og segir að munurinn á Skotum og Frökkum sé ansi mikill.
,,Ég myndi segja að þið væruð alltaf drekkandi heilt yfir, ekki bara viskí,“ sagði Weah.
,,Það eru sumir hérna sem tala rosalega hratt og þú átt það til verða ringlaður. Ég skil samt suma, þetta er svona 50/50.“
,,Það er klárlega erfiðast að skilja Mikey Johnstone því hann talar svo hratt.„