Pep Guardiola, stjóri Manchester City, segir að það sé ástæða á bakvið það að Riyad Mahrez fái lítið að spila þessa dagana.

Mahrez hefur ekki byrjað leik fyrir City í deildinni síðan í september er liðið vann Southampton.

Guardiola segir að Mahrez hafi ekkert gert rangt og að hópur liðsins sé einfaldlega það sterkur.

,,Ég er með mínar ástæður. Það er mín ástæða. Ég er ástæðan. Ég er ástæðan,“ sagði Guardiola.

,,Hann hefur ekkert gert af sér og finnur ekki fyrir einhverri sérstakri ástæðu.“

,,Ég er sorgmæddur því hann æfir mjög vel og er ótrúlega hæfileikaríkur en eins og staðan er þá erum við með fimm framherja.“

,,Eins og í síðasta leik þá spilaði Leroy Sane ekki heldur. Við erum með ótrúlega leikmenn.“