Maurizio Sarri, stjóri Chelsea, hefur verið varaður við því að hans aðferðir séu ekki að virka hjá félaginu.

Sarri hefur sett spurningamerki við metnað sinna leikmann á tímabilinu og hefur notað fjölmiðla til að gera það.

Það er alls ekki rétt leið til að ná til þessara leikmanna segir fyrrum markvörðurinn Mark Schwarzer.

,,Sarri hefur reynt nokkrum sinnum á tímabilinu. Ég held að hann fái ekki úrslitin sem hann vill eða svörin sem hann vill,“ sagði Schwarzer.

,,Ég er viss um að hann hafi fattað: ‘ég verð að fara aðra leið, taka utan um þá og ekki vera svo hávær opinberlega.’

,,Þetta eru leikmenn sem eru vanir að vinna titla. Það særir ekkert meira en þegar hlutirnir ganga ekki upp á vellinum svo eg held það að hvetja þá áfram sé ekki vandamál.“