Neil Warnock, stjóri Cardiff City í ensku úrvalsdeildinni, er á leið til Argentínu og mun fljúga þangað á morgun.

Warnock ætlar að vera viðstaddur í jarðarför Emiliano Sala sem lét lífið í flugslysi í janúar.

Það þekkja flestir söguna af Sala í dag en hann var nýbúinn að skrifa undir samning við einmitt Cardiff.

Hann átti að ganga í raðir félagsins frá Nantes og varð um leið dýrasti leikmaður í sögu félagsins.

Warnock hefur opnað sig um erfiða tíma eftir slysið hræðilega og íhugaði meðal annars að segja af sér eftir fréttirnar.

Hann mun votta virðingu sína í jarðarför Sala sem fer fram á laugardaginn.