Josep Maria Bartomeu, forseti Barcelona hefur útilokað það að félagið muni reyna að kaupa Neymar frá PSG í sumar.

Tæp tvö ár eru síðan að PSG keypti Neymar frá Barcelona á 222 milljónir evra, slík klásúla var í samningi hans og gat Barcelona ekkert gert.

,,Ég hef spjallað nokkrum sinnum við Neymar en það hefur enginn sagt að vilji koma aftur,“ sagði Bartomeu.

,,Neymar er með samning við PSG og ég get ekki séð að þeir vilji selja hann, við vildum það ekki. Við vorum með klásúlu en það er ekki í Frakklandi.“

,,Félagið hefur fjárfest í Dembele og Coutinho, þeir eru dýrustu leikmenn í sögu félagsins og hafa okkar stuðning.“

Bartomeu segir hins vegar að félagið gæti hugsað sér að kaupa Matthijs de Ligt frá Ajax en félagið hefur nú þegar tryggt sér Frenkie de Jong frá Ajax.

,,Við höfum fylgst með De Ligt um langt skeið, við höfum áhuga á honum. Við skoðum þessi mál í mars og apríl. Við fylgjumst með honum og finnst mikið til hans koma.“