Tottenham er komið með annan fótinn í 8-liða úrslit Meistaradeildarinnar eftir leik við Borussia Dortmund í kvöld.
Það var boðið upp á skemmtilegan fyrri hálfleik á Wembley en bæði lið ógnuðu en tókst ekki að skora.
Tottenham tók hins vegar öll völd á vellinum í síðari hálfleik og skoraði þrjú mörk, allt eftir fyrirgjafir.
Þeir Son Heung-Min, Jan Vertonghen og Fernando Llorente komust á blað. Tottenham er því í frábærri stöðu fyrir seinni leikinn.
Real Madrid vann sinn leik á sama tíma en liðið heimsótti Ajax í Hollandi.
Real tókst að vinna góðan 2-1 útisigur og er því einnig í mjög góðri stöðu fyrir seinni leikinn á Spáni.
Tottenham 3-0 Dortmund
1-0 Son Heung-Min(47′)
2-0 Jan Vertonghen(83′)
3-0 Fernando Llorente(86′)
Ajax 1-2 Real Madrid
0-1 Karim Benzema(60′)
1-1 Hakim Ziyech(75′)
1-2 Marco Asensio(87′)