Ole Gunnar Solskjær, stjóri Manchester United, sá sína menn tapa 2-0 gegn Paris Saint-Germain í Meistaradeildinni í gær.
Um var að ræða leik í 16-liða úrslitum Meistaradeildarinnar en PSG kom sá og sigraði á Old Trafford.
Presnel Kimpembe, leikmaður PSG, var mögulega heppinn að fá ekki rautt spjald í leiknum en hann braut af sér á gulu spjaldi.
Kimpembe virtist brjóta Marcus Rashford í síðari hálfleik en dómari leiksins ákvað að flauta ekkert.
Solskjær var óánægður með þá ákvörðun og segir að Kimpembe hafi verið stálheppinn.
,,Já, hann var mjög heppinn. Hvernig hann henti Marcus Rashford í grasið í seinni hálfleik og það var ekki brot,“ sagði Solskjær.
,,Auðvitað bregstu við litlu hlutunum en það er tilgangslaust að sitja hérna og tala um málið því þetta er búið.“
