Það fóru fram tveir leikir í Reykjavíkurmótinu í dag og eru Valsmenn komnir í undanúrslit keppninnar.
Valur spilaði gegn ÍR og þurfti að vinna til að komast yfir Víking Reykjavík og upp í annað sæti riðilsins.
Fjölnir var nú þegar komið í undanúrslitin en liðið vann alla fjóra leiki sína í riðlakeppninni.
Valsmönnum tókst að leggja ÍR að velli en þeir Kristinn Ingi Halldórsson og Garðar Bergmann Gunnlaugsson gerðu mörkin í 2-0 sigri.
Fyrr í dag vann Víkingur sigur á Leikni Reykjavík þar sem nýi maðurinn James Mack gerði eina mark leiksins.
ÍR 0-2 Valur
0-1 Kristinn Ingi Halldórsson
0-2 Garðar Bergmann Gunnlaugsson
Leiknir R. 0-1 Víkingur R.
0-1 James Mack