Micky Hazard, fyrrum leikmaður Tottenham, vonar innilega að félagið næli í framherjann Edin Dzeko í janúar.
Dzeko er fyrrum leikmaður Manchester City en hann er þessa dagana á mála hjá Roma á Ítalíu.
Tottenham þarf á framherja að halda í janúar og er orðað við Andy Carroll, leikmann West Ham.
,,Ég væri til í að sjá Edin Dzeko koma inn. Hann er toppleikmaður og er ekki í liðinu hjá Roma þessa stundina,“ sagði Hazard.
,,Sem betur fer er þetta ekki mín ákvörðun en ef ég væri stjórinn myndi ég ekki taka inn Andy Carroll.“
,,Ég held að hann myndi ekki henta leikstíl liðsins en gæti hjálpað okkur þessa stundina þar sem meiðslin eru ótrúleg.“