Usain Bolt, fyrrum fljótasti maður heims, hefur ákveðið að leggja knattspyrnuskóna á hilluna.
Bolt greindi frá þessu í dag en hann hefur undanfarnar vikur verið að leita sér að félagi til að spila fyrir.
Það hefur þó gengið illa og hefur þessi 32 ára gamli hlaupari nú ákveðið að kalla þetta gott.
Hann spilaði tvo leiki með Central Coast Mariners í Ástralíu og gerði tvö mörk. Fleiri voru leikirnir ekki.
,,Þetta var skemmtilegt á meðan þetta entist,“ sagði Bolt um feril sinn sem var virkilega stuttur.
Hann fékk þó að mæta á æfingar hjá nokkrum liðum og má nefna Borussia Dortmund.