Marcus Rashford, leikmaður Manchester United, er heppinn ef hann nær að leika til þrítugs.

Þetta segir Sam Allardyce, fyrrum landsliðsþjálfari Englands en Rashford er nú þegar búinn að spila 98 deildarleiki fyrir United aðeins 21 árs gamall.

Rashford er þekktur fyrir það að vera mjög hraður og tekur það mikið á líkamann að spila svo marga leiki fyrir bæði félagslið og landslið.

,,Það verður örugglega erfitt fyrir hann að spila til þrítugs,“ sagði Allardyce við TalkSport.

,,Bæði vegna andlegs álags og líkamlegs álags, hann mun verða svo þreyttur. Hann fær þrjár vikur í frí ári, það er allt saman.“

,,Hann mun spila alls staðar í heiminum því það er ekkert undirbúningstímabil lengur, þeir fara beint í eitthvað mót úti í heimi.“

,,Þegar þú horfir á hvernig þetta fer með líkamann.. Áður en hann verður 25 ára þá mun hann finna fyrir þessu.“

,,Jafnvel þó hann meiðist ekki illa, hnén, ökklarnir, mjaðmirnar og bakið, þetta verður allt vandamál í framtíðinni.“