Maurizio Sarri, stjóri Chelsea, vill fá fleiri en einn leikmann til félagsins áður en janúarglugginn lokar.

Sarri var hundfúll um helgina eftir 2-0 tap gegn Arsenal og segir að viðhorf sinna leikmanna sé slæmt.

Nú er talað um það að fyrirliði liðsins, Cesar Azpilicueta, eigi í hættu á að missa stöðu sína í byrjunarliðinu.

Azpilicueta hefur borið fyrirliðaband Chelsea á tímabilinu þó að Gary Cahill sé skráður fyrirliði en hann fær ekkert að spila.

Sarri er að reyna að fá hinn 24 ára gamla Elseid Hysaj en þeir unnu áður saman hjá Napoli.

Hann myndi taka stöðu Azpilicueta í hægri bakverði og er því óvíst hvað verður um fyrirliðann.