Harry Kane, leikmaður Tottenham, þarf að koma sér burt frá félaginu segir sænska goðsögnin Zlatan Ibrahimovic.
Kane er ekki að vinna marga titla í London þessa dagana en þykir þó vera einn besti framherji heims.
Zlatan er hrifinn af Englendingnum en hvetur hann til að koma sér annað.
,,Þegar ég var á Englandi þá sá ég hann spila. Hann er góður framherji en er enn að þroskast. Hann er að gera góða hluti,“ sagði Zlatan.
,,En ég hef alltaf sagt það að það er annað að spila vel í stóru félagi en í… Með fullri virðingu fyrir Totttenham, í venjulegu liði.“
,,Ég held að hann geti unnið verðlaun. Hann þarf bara að koma sér burt og þá mun fólk muna eftir þér. Svo ef hann vill vinna þá þarf hann að skipta um.“