Gianluigi Donnarumma, markvörður AC Milan, virðist hafa staðfest það að Gonzalo Higuain sé á leið til Chelsea.
Donnarumma ræddi við blaðamenn í dag eftir 2-0 sigur liðsins á Genoa í ítölsku úrvalsdeildinni.
Higuain var ekki í hóp Milan í sigrinum en allar líkur eru á því að hann skrifi undir hjá Chelsea.
Útlit er fyrir að hann sé búinn að spila sinn síðasta leik fyrir Milan en hann var þar í láni frá Juventus.
,,Ef Higuain ákvað að taka þessa ákvörðun þá hlýtur að vera ástæða fyrir því,“ sagði Donnarumma.
,,Hann er vinur minn og ég óska honum alls hins besta.“