Yannick Bolasie hefur yfirgefið lið Aston Villa á Englandi en hann var þar á láni frá Everton.
Þetta var staðfest í dag en Bolasie vildi sjálfur komast burt frá liðinu sem leikur í Championship-deildinni.
Bolasie gekk aðeins í raðir Villa á láni í sumar og spilaði 21 leik fyrir liðið og skoraði tvö mörk.
Klásúla var í samningi Bolasie við Villa og mátti hann rifta lánssamningnum fyrir 20. janúar.
Þessi 29 ára gamli leikmaður kostaði Everton 25 milljónir punda árið 2016 er hann kom frá Crystal Palace.
Hann er sagður ætla að berjast fyrir sæti sínu hjá Everton en liðið hefur verið í basli undanfarið.
