Bakvörðurinn Ashley Cole hefur skrifað undir samning við Derby County á Englandi.
Þetta var staðfest í dag en Cole hefur undanfarnar vikur verið sterklega orðaður við félagið.
Cole mun vinna með fyrrum liðsfélaga sínum hjá Chelsea, Frank Lampard en hann er stjóri Derby.
Cole er 38 ára gamall í dag en hann hefur undanfarin ár leikið með Roma og LA Galaxy.
Hann gerir samning við Derby út tímabilið en liðið reynir að komast upp í ensku úrvalsdeildina.