Gary Neville, fyrrum leikmaður Manchester United, hefur nefnt þann leikmann sem hann hefði ekki viljað mæta á ferlinum.
Neville var frábær bakvörður á sínum tíma og mætti mörgum af bestu leikmönnum heims.
Hann sá Manchester City vinna Huddersfield 3-0 í dag þar sem Leroy Sane átti ansi góðan leik.
Neville segir að hann sé ánægður með það að hafa ekki þurft að spila gegn Þjóðverjanum sme býr yfir miklum hraða.
,,Sem hægri bakvörður þá hugsa ég alltaf um hverjum ég hefði ekki viljað mæta. Honum. Hann er eldfljótur,“ sagði Neville.
Sane bæði lagði upp og skoraí í öruggum sigri City sem er nú fjórum stigum á eftir toppliði Liverpool.
