Ryan Babel gekk á dögunum í raðir Fulham á Englandi en hann er að snúa aftur í ensku úrvalsdeildina.

Babel spilaði með Liverpool frá 2007 til 2011 en náði aldrei að festa sig almennilega í sessi.

Hann kennir félaginu um hvernig tími hans á Englandi var en Babel var talið undrabarn er hann spilaði með Ajax í Hollandi.

,,Ég vildi þroskast sem leikmaður og þeir lofuðu mér leiðsögn sem myndi gera mig að betri leikmanni, áður en ég kom,“ sagði Babel.

,,Það gerðist ekki og það eru margar ástæður fyrir því. Ég náði aldrei þeim hæðum sem ég hefði getað náð.“

,,Ég var ungur. Kannski hefði ég átt að vera nokkur ár í viðbót í Hollandi. Ég hafði búið með foreldrum mínum og flutti út og bjó einn í fyrsta skiptið.“

,,Ég kom frá Ajax þar sem þú spilar aðallega 4-3-3 og sem vængmaður þá þarftu ekki að verjast of aftarlega.“

,,Á Englandi hins vegar þegar þú spilar 4-4-2 þá verðuru að breyta þínum leikstíl því þú ert ekki vængmaður, þú ert vinstra megin á miðjunni og þarft að hjálpa bakverðinum.“

,,Það var það sem ég var í erfiðleikum með, sérstaklega á fyrsta árinu og að mínu mati þá hjálpuðu þjálfararnir mér ekki nógu mikið. Ég þurfti að komast að öllu sjálfur.“