Virgil van Dijk, leikmaður Liverpool, fær reglulega skilaboð frá goðsögn félagsins fyrir leiki.

Van Dijk greindi sjálfur frá þessu en hann er í sambandi við fyrrum leikmann og þjálfara liðsins, Kenny Dalglish.

Dalglish vann deildina sex sinnum með Liverpool á sínum tíma og fagnaði sigri í Evrópu þrisvar.

,,Kenny Dalglish lét mig fá símanúmerið sitt og sagði að ég mætti hringja hvenær sem er,“ sagði Van Dijk.

,,Það er ótrúlegt þegar hann stundum sendir mér skilaboð fyrir leiki. Það er það sem Liverpool snýst um.“

,,Á leikdögum er þetta eins og að skoða safn. Næstum allar goðsagnirnar eru mættar.“