Rio Ferdinand, fyrrum leikmaður Manchester United, hefur hraunað yfir miðjumanninn Jorginho sem spilar með Chelsea.

Jorginho átti ekki góðan leik gegn Arsenal í gær en Chelsea tapaði 2-0 í mikilvægum grannaslag.

Ferdinand segir að Jorginho sé mjög einhæfur leikmaður en hann leggur ekki upp, skorar ekki og sinnir engri varnarvinnu.

,,Jorginho er einhver sem stjórnar tempói leiksins. Ef hann er með boltann á miðju vallarins er hann mjög góður,“ sagði Ferdinand.

,,Hvað er hann með margar stoðsendingar á þessu tímabili? Hann hefur gefið um 2000 sendingar en er ekki með eina stoðsendingu.“

,,Hann er ekki frábær varnarmaður. Enn og aftur gegn stóru liði þá er bara hlaupið yfir hann á miðjunni. Hann getur ekki hlaupið.“

,,Hann gefur þér ekkert varnarlega og hann gefur þér ekkert á hinum enda vallarins.“