Maurizio Sarri, stjóri Chelsea, var bálreiður út í sína menn í kvöld eftir tap gegn Arsenal.
Chelsea spilaði alls ekki sinn besta leik á Emirates og vann Arsenal að lokum nokkuð þægilegan 2-0 sigur.
Chelsea var mun meira með boltann í leiknum en skapaði nánast engin færi og ógnaði lítið.
,,Ég er ótrúlega reiður, mjög reiður. Við töpuðum vegna þess hvernig viðhorfið var,“ sagði Sarri.
,,Ég get ekki sætt mig við þetta. Við lentum í svipuðu gegn Tottenham. Það er eins og það sé nær ómögulegt að hvetja þessa leikmenn áfram.“
