Það var brjálað fjör á Reykjavíkurmótinu í kvöld er lið KR og Fylkis áttust við í Egilshöll.
Dramatíkin var mikil en Fylkir tók forystuna á 66. mínútu leiksins er Hákon Ingi Jónsson skoraði.
KR jafnaði svo metin úr víti á 89. mínútu leiksins með marki frá Tobias Thomsen. Mínútu síðar var staðan orðin 2-1 fyrir Fylki en Helgi Valur Daníelsson gerði það mark.
Svo mínútu eftir það jafnaði Pablo Punyed metin fyrir KR og lokastaðan 2-2 í ótrúlegum leik.
Síðar í kvöld fór svo fram viðureign Fram og Þróttar R. og þar hafði Fram betur með einu marki gegn engu.
KR 2-2 Fylkir
0-1 Hákon Ingi Jónsson(66′)
1-1 Tobias Thomsen(víti, 89′)
1-2 Helgi Valur Daníelsson(90′)
2-2 Pablo Punyed(91′)
Fram 1-0 Þróttur R.
1-0 Helgi Guðjónsson(víti, 88′)